0 просмотров
Рейтинг статьи
1 звезда2 звезды3 звезды4 звезды5 звезд
Загрузка...

Акафист архангелу Гавриилу — священные тексты архистратигу о избавлении от тяжких болезней и исцелении

Православные молитвы ☦

Акафист Архангелу Гавриилу

Кондак 1

Избранный Богом от всех Небесных Сил послужити предвечной тайне спасения рода человеческаго, дивный предстоятелю престолу Святыя Троицы, носителю тайн и чудес Божиих, Архангеле Гаврииле, к тебе припадаем и умиленно воспеваем ти: Радуйся, Гаврииле, тайнозрителю Святыя Троицы.

Икос 1

Ангелов Творец и всяческих избра тя, тайновидче Гаврииле, в пречудном Совете Святыя Троицы, да послужиши тайне Боговоплощения, и повеле быти тебе носителем силы и чудес Божиих. Сего ради вопием ти сице:

Радуйся, Гаврииле, избранный Творцом служителю.

Радуйся, Гаврииле, Промышления Божия носителю.

Радуйся, яко тобою хвалятся Силы Небесныя.

Радуйся, яко тебе славят сердца земнородных.

Радуйся, верно послуживый Престолу Святыя Троицы.

Радуйся, со други своими сокрушивый и изринувый денницу.

Радуйся, обличивый заблуждения того.

Радуйся, из первых песнь Трисвятую воспевый.

Радуйся, Гаврииле, тайнозрителю Святыя Троицы.

Кондак 2

Видя Творец тя усерднаго и вернаго служителя Своего, возлюби тя и вознесе пред Ангельскими чинами, и укрепленный благодатию Его в своих велицех доблестех, ты воспеваеши с лики Ангельскими усердно Богу: Аллилуиа.

Икос 2

Разумом смиренномудренно преклоньшеся пред тайною непостижимою единосущности Святыя Троицы, ты благодатных откровений приял еси неистощимый источник благоговейнаго трепета, любви к Творцу, и радости исполненный сияеши, Архангеле, пред Престолом Всевышняго, яко светильник пламенный. О сем благоговейно воспевати дерзаем:

Радуйся, лампадо неугасимая седмисвещника великаго.

Радуйся, звездо светозарная небосвода духовнаго.

Радуйся, первоприемниче Божественных сияний.

Радуйся, сокровище Божественных велений.

Радуйся, кладезь смирения неисчерпаемый.

Радуйся, реко, послушания исполненная.

Радуйся, яко ты у Престола выну пребываеши.

Радуйся, яко ты велие дерзновение к Богу имаши.

Радуйся, Гаврииле, тайнозрителю Святыя Троицы.

Кондак 3

Силы Небесныя радуются о тебе, Архангеле, и защищенныя некогда от зловредных заблуждений денницы, в гордости возставшаго против Творца своего, с веселием взывают непрестанно Богу: Аллилуиа.

Икос 3

Имуще велие дерзновение ко Святей Троице, велию благодать приемлеши от Бога непрестанно, и яко луч Божественнаго Трисиятельнаго Солнца, повсюду разливаеши свет велений Божиих, да славится спасительное имя Божие сердцами земнородных, тебе поющих:

Радуйся, Небесных Сил Начальниче.

Радуйся, Правды вечныя поборниче.

Радуйся, твоя крепкая преданность Богу чины Ангельские укрепи.

Радуйся, чрез тебе Господня благодать их сугубо просвети.

Радуйся, и земле ты благодать от Бога приносиши.

Радуйся, ты огнь небесный в сердца человеков низводиши.

Радуйся, Гаврииле, тайнозрителю Святыя Троицы.

Кондак 4

Буря злочестивых замыслов врага Божия разбия о скалу верности слуг Господних, и победивши своим смирением гордыню того, воспели Богу: Аллилуиа.

Икос 4

Слыша Господь исповедования тобою великаго Имени Его, Архангеле, исполнися благоволения, и озарив тя Своею благодатию, вся просвети воспети ти:

Радуйся, адаманте небесный.

Радуйся, столпе Церкви Вселенский.

Радуйся, рая Господня хранителю.

Радуйся, цвете благочестия.

Радуйся, лучу престола Божия.

Радуйся, украшение порфиры Царехриста.

Радуйся, знаменосче Божий.

Радуйся, украшение военачальничей Небесных Сил.

Радуйся, Гаврииле, тайнозрителю Святыя Троицы.

Кондак 5

Боготочною звездою тек от высот надзвездных, Гаврииле, да возвестиши земным радость близкаго спасения, предстал еси праведным Иоакиму и Анне и провещал еси им милость Божию, и радуяся с ними купно, воспел Богу: Аллилуиа.

Икос 5

Видевши тя единовременно родители Богоотроковицы, сущии в странах различных, сшедшихся у дверей храма по твоему глаголу, дивишася и в радости взываху ти:

Радуйся, служителю Святыя Троицы.

Радуйся, дивный благовестниче.

Радуйся, Божий избранниче.

Радуйся, Господней воли провозвестниче.

Радуйся, яко тобою радость людям приносится.

Радуйся, яко тебе хвала во славу Божию земнородными поется.

Радуйся, планов Творческих исполнителю.

Радуйся щедрот Божиих раздаятелю.

Радуйся, Гаврииле, тайнозрителю Святыя Троицы.

Кондак 6

Проповедником Божия милосердия ты, Гаврииле, явился Захарии, вещая ему Божественныя глаголы и научая его пети Богу: Аллилуиа.

Икос 6

Возсияв благодатию Божиею пред очима Захарии, ужаснил еси его, и властию ти Богом данною смирил еси его, да не дерзнет сомнением умалить силу Божию. И умудренный свыше Захария безмолвным умным гласом воспел ти таковая:

Читать еще:  Молитва Николаю Чудотворцу перед экзаменом и о учебе - сильная молитва на успешную сдачу экзамена

Радуйся, достоинств Божиих хранителю.

Радуйся, великий в лике Ангельском.

Радуйся, прекрасное творение Творца.

Радуйся, тайн сокровенных миру откровение.

Радуйся, великих обетов Божиих совершение.

Радуйся, правды Божией исполненный.

Радуйся, благодатию Божией осиянный.

Радуйся, Гаврииле, тайнозрителю Святыя Троицы.

Кондак 7

Хотящу Богу воплотитися и на земли явитися человеком, предстал еси, служителю, провозвестником ко избранней от века Деве и открыл еси Ей волю создавшего Ю, воспевая Богу: Аллилуиа.

Икос 7

Новую и непостижимую тайну Боговоплощения открыл еси Богоотроковице, Гаврииле славне, не постигая и сам сей великой тайны, дивяся безпредельной любви и милосердию Божию к людям. О сем и мы, земнороднии, со страхом и радостию дивимся и вопием ти сице:

Радуйся, Совета предвечнаго служителю.

Радуйся, к Богоневесте Богом ниспосланный.

Радуйся, Пречистыя Девы небесный хранителю.

Радуйся, Матери Божией дивный служителю.

Радуйся, Божественной Отроковицы учителю.

Радуйся, Ея хлебом небесным питателю.

Радуйся, во Святая Святых с Нею глаголавый.

Радуйся, глубины Божия Промысла Ей открывый.

Радуйся, Гаврииле, тайнозрителю Святыя Троицы.

Кондак 8

Странно человеком зрети лик Ангельский, странно и глаголы небесныя слышати, но умудренная Божественною мудростию Приснодева, не устрашилась зрака твоего и вознесла к Творцу и Богу песнь: Аллилуиа.

Икос 8

Весь бе в нижних, узрел еси Богоотроковицу высшую чинов Ангельских, Гаврииле, и трепеща открыл еси Ей волю Владыки, и ужасаясь тайне Боговоплощения, исполнися благоговения к Богоизбранной Деве. Видяще великое твое служение Престолу и зряще неизглаголанное смирение твое пред Девою, поем ти сице:

Радуйся, первоприемниче сияний Тройческих

Радуйся, сияниями теми осиянный.

Радуйся, благодати исполненный.

Радуйся, Приснодеве Благодать принесший.

Радуйся, в лике Ангелов высших

Радуйся, пред Девою Марией колена склонивший.

Радуйся, избранней радость возвестивший.

Радуйся, и сам сей радости возрадовавшийся.

Радуйся, Гаврииле, тайнозрителю Святыя Троицы.

Кондак 9

Всякий чин Ангельский превосходя, ты пред Божественною земнородною Богоотроковицею смиренно предстоиши, взывая радостию Творцу Богу: Аллилуиа.

Икос 9

Витийства многовещанныя всех витий человеческих ничто суть пред безгласною ветвью райскою, тобою принесенною, егда воспел еси Святую Деву, благовествуя Ей избрание Ея быти Богоматерию и паки возвещая спасительное успение Ея. Твоей великой мудрости удивишася земля и возопи:

Радуйся, смирения учителю.

Радуйся, великих тайн Боготворческих зрителю.

Радуйся, ветвью чистоту Матередевства Пречистыя знаменавый.

Радуйся, благоуханием крина райскаго благоухание души чистейшия показавый.

Радуйся, неувяданием Цвета небеснаго неувядаемость жизни Богоматери предвещавый.

Радуйся, смиренной ветвью смирение ветви царственной восхваливый.

Радуйся, красотою Цвета небеснаго духовную красоту Приснодевы воспевый.

Радуйся, всю славу Девы Марии сим изобразивый.

Радуйся, Гаврииле, тайнозрителю Святыя Троицы.

Кондак 10

Спасение душ человеческих предвозвещая, Архангеле Божий, научил еси нас воспевати Богу: Аллилуиа.

Икос 10

Стена греховная между небом и землею не заградила путь тебе, Архангеле, но яко дым и мрак рассеялась пред святостию твоею и ты предстал еси Пречистей Деве благовестником небесным в Назарете, вещая: «Радуйся», — принесл еси Ей, сим радость Воскресения Христова возвещая, и ради радости возвещенной тобою Деве, и чрез Деву миру, мир принести тебе дерзает:

Радуйся, радости миру вещание.

Радуйся, Божиих даров раздаяние.

Радуйся, Гаврииле, светильниче светозарный.

Радуйся, друг и сослужитель великаго Архистратига Михаила.

Радуйся, звездо, явление солнца Христа возвестивый.

Радуйся, многажды Божественней Матери Его послуживый.

Радуйся, великих обетований Божиих совершителю.

Радуйся, яко ты при гробе: «Воскресе Христос, несть зде», — мироносицам возвести.

Радуйся, Гаврииле, тайнозрителю Святыя Троицы.

Кондак 11

Песнь ликов Ангельских принесл еси земле ты, Архангеле, и вещати благоговейное «Достойно» Афонския горы инока научил еси, и наученные тобою чрез того людие благодарно о сем воспеша Богу: Аллилуиа.

Икос 11

Светозарный лик свой сокрыл еси ты, Гаврииле, облекшися одеждою иноческою, дабы не ужаснулся смертный боголепнаго зрака твоего, но умудрился бы постигнути и уяснити себе песнопение небесное, и да не мнится прелестию лукаваго иноку смиренному явление чиноначальника Сил Вышних быти, удостоверить истину явления твоего возжелал еси. Сего ради, камень велий вземше, на нем перстом безплотным, яко по воску, начертал еси Небесное: «Достойно», увидев чудо сие велие, вси иноцы Афонския горы воспеша ти согласно:

Радуйся, Божий служителю.

Радуйся, Божественный Архангеле.

Радуйся, благовестниче предивный.

Радуйся, Богоотроковицы хранителю.

Радуйся, земнородных песне Небесней научивый.

Радуйся, сам прежде песнь сию дивную пред иноком воспевый.

Радуйся, Божественныя слова чудно на камени начертавый.

Радуйся, сей камень в залог истиннаго знамения твоего горе Афонстей давый.

Радуйся, Гаврииле, тайнозрителю Святыя Троицы.

Кондак 12

Благодатныя твоя явления воспоминая, благодарение приносим Творцу и Богу, спасающему род человеческий, и поем Богу усердно: Аллилуиа.

Икос 12

Поюще все нам ведомые, Гаврииле, доблести твоя, неведомые же чаем за предстательство твое о нас уведети в Небесном Царствии. Ныне же по силе нашей дерзаем ти воспети:

Радуйся, Совета превечнаго Святыя Троицы предначертания приявший.

Радуйся, домостроительства Божия все планы охранявший.

Радуйся, охранением оных Творцу служивший.

Радуйся, миру спасение возвестивший.

Радуйся, Матери Божией хранителю.

Радуйся, Церкви Христовой блюстителю.

Читать еще:  Молитвы об умерших родителях - священные тексты детей за упокой души родителей, правила и особенности чтения

Радуйся, и Втораго пришествия Христова на землю возвестителю.

Радуйся, яко ты предъидеши Силам Небесным с великим трубным гласом в день Страшнаго Суда Божия.

Радуйся, Гаврииле, тайнозрителю Святыя Троицы.

Кондак 13

О дивный тайновидче и преславный Архангеле, велико дерзновение твое перед Господом и сильна молитва твоя. Припадаем к тебе и молим, Гаврииле пречудне, приими нас немощных под кров крил твоих и защити от козней врагов видимых и невидимых. Помяни нас недостойных в твоем предстательстве пред Престолом Всевышняго, да воспоем Ему по неизреченному милосердию Его в Царстве Славы с ликом Ангелов и всеми святыми: Аллилуиа.

(Этот кондак читается трижды, затем икос 1 и кондак 1)

Икос 1

Ангелов Творец и всяческих избра тя, тайновидче Гаврииле, в пречудном Совете Святыя Троицы, да послужиши тайне Боговоплощения, и повеле быти тебе носителем силы и чудес Божиих. Сего ради вопием ти сице:

Радуйся, Гаврииле, избранный Творцом служителю.

Радуйся, Гаврииле, Промышления Божия носителю.

Радуйся, яко тобою хвалятся Силы Небесныя.

Радуйся, яко тебе славят сердца земнородных.

Радуйся, верно послуживый Престолу Святыя Троицы.

Радуйся, со други своими сокрушивый и изринувый денницу.

Радуйся, обличивый заблуждения того.

Радуйся, из первых песнь Трисвятую воспевый.

Радуйся, Гаврииле, тайнозрителю Святыя Троицы.

Кондак 1

Избранный Богом от всех Небесных Сил послужити предвечной тайне спасения рода человеческаго, дивный предстоятелю престолу Святыя Троицы, носителю тайн и чудес Божиих, Архангеле Гаврииле, к тебе припадаем и умиленно воспеваем ти: Радуйся, Гаврииле, тайнозрителю Святыя Троицы.

Молитвы Архангелу Гавриилу

Гавриил один из двенадцати архангелов, но кроме этого он почитается как один из двух самых сильных ангелов. Архангел Гавриил оповестил праведного Захарию о рождении сына, Иоанна Крестителя. Он же принес благую весть о скором рождении Спасителя Деве Марии. Почитается архангел как вестник, он посланник Бога, его связь с людьми, из-за чего его часто изображают держащим в руках райский цветок или лилию.

  • 21 ноября
  • 8 апреля – Собор
  • 26 июля – Собор
  1. В чем помогает молитва Архангелу Гавриилу?
  2. Сильная молитва о здоровье
  3. Молитва о замужестве архангелу Гавриилу
  4. Защитная молитва
  5. Тексты молитв
  6. Тропарь, глас 4
  7. Кондак, глас 8
  8. Ин кондак, глас 2
  9. Ин кондак, глас 2
  10. Величание Небесным Чинам Бесплотным
  11. Молитва первая
  12. Молитва вторая
  13. Молитва третья

В чем помогает молитва Архангелу Гавриилу?

Гавриил оберегал Богородицу на протяжении всей её жизни, предупреждал об опасностях, спустился к ней сообщить о близкой кончине. Поэтому с молитвой к архангелу Гавриилу обращаются пары, которые долго не могут завести детей, беременные женщины просят о здоровье для малыша. Известно много случаев, когда бездетная пара вымаливала ребенка у Богородицы и архангела.

Молитва архангелу Гавриилу дает очень сильную защиту от самых разных напастей, так как сила его огромна. Ангел помогает в борьбе с болезнями, притупляет боль, защищает от недругов и отводит нечистые помыслы. Гавриил наставит на истинный путь и предупредит об опасности, но молиться ему нужно с верой и покаянием, иначе он не услышит или даже оскорбится.

Сильная молитва о здоровье

Просят архангела об избавлении от страхов, фобий и депрессии. Молитва Гавриилу поможет излечиться от болезней не только духа, но и тела: болезней почек, бесплодия, тяжелых заболеваний.

Небесных воинств Архистратиже, молим тя присно мы, недостойнии, да твоими молитвами оградиши нас кровом крилу невещественныя твоея славы, сохраняя нас, припадающих прилежно и вопиющих: от бед избави нас, яко чиноначальник Вышних сил.

Молитва о замужестве архангелу Гавриилу

Заботы родителей не всегда начинаются с проблем с зачатием или беременностью. Молитва архангелу Гавриилу помогает и в усыновлении ребенка. Гавриил следит за детьми, наставляет на верный путь, бережет от напастей и злых взглядов.

Помогает ангел и незамужним, или неженатым, верующим. Счастье в дом, удачный брак и крепкий союз принесет молитва архангелу Гавриилу о замужестве. Текст её такой:

О святый Архангеле Гаврииле! Всеусердно молим тя, настави нас, раб Божиих (имя), к покаянию от злых дел и ко утверждению в вере нашей, укрепи и огради души наша от искушений прельстительных и умоли Создателя нашего о отпущении грехов наших.

О святый великий Гаврииле Архангелe! He презри нас, грешных, молящихся тебе о помощи и заступлении твоем, в веце сем и в будущем, но присно помощник нам явися, да непрестанно славим Отца и Сына и Святаго Духа державу и твое предстательство во веки веков. Аминь.

Гавриил почитается долгие годы, века, поэтому молитв святому Гавриилу написано немало. Существует несколько кондаков архангелу, известного своей силой и благосклонностью к людям. Гавриил заступник и покровитель семей и детей, он посланник Господа. Помогает архангел тем, чья профессия строится на общении с людьми, работникам СМИ. Молятся архангелу Гавриилу о приходе больших денег и продвижении по службе.

Защитная молитва

Краткая молитва архангелу Гавриилу о защите поможет отвести завистников, недоброжелатей и соперников, избавит от нечистых помыслов. Помогает Гавриил в сохранении семейного счастья, оберегают семью от бед и болезней.

Читать еще:  Псалом 9: текст молитвы, значение и история, толкование, для чего читают и правила чтения священного текста

Часто архангела Гавриила изображают с Девой Марией, так как он сообщал ей о грядущих событиях, следил за ней и оберегал всю беременность и последующие годы. Молитва к архангелу дает очень сильную защиту, если читать её с чистым сердцем и открытой душой. Гавриил не оставит искренне верующего в беде и всегда сообщит об опасностях.

Читая молитву, нужно вкладывать смысл в слова, сосредоточиться на своей просьбе. Нельзя просить святых наслать беду на своих врагов, так как все они учат прощению и состраданию. Молитва – это обращение к святому, таинство, в котором не должно быть посторонних мыслей и людей. Архангел Гавриил поможет всем искренне молящимся в любых бедах, молитва к нему считается одной из сильнейших.

Тексты молитв

Тропарь, глас 4

Небе́сных во́инств Архистрати́же,/ мо́лим тя при́сно мы недосто́йнии,/ да твои́ми моли́твами огради́ши нас/ кро́вом крилу́ невеще́ственныя твоея́ сла́вы,/ сохраня́я нас, припа́дающих приле́жно и вопию́щих:/ от бед изба́ви нас,// я́ко чинонача́льник Вы́шних сил.

Перевод: Небесных воинств Архистратиг, непрестанно молим тебя мы, недостойные, чтобы ты оградил нас твоими молитвами под кровом крыл невещественной твоей славы сохраняя нас, припадающих усердно и взывающих: «От бед избавь нас, как начальник Вышних Сил!»

Кондак, глас 8

Пресве́тлыя и Честны́я, и Вседе́тельныя,/ пренеисче́тныя и стра́шныя Тро́ицы,/ ты еси́, Архистрати́же, сла́вный служи́телю и моли́твенниче,/ ны́не непреста́нно моли́/ изба́витися нам от вся́ких бед и мук, да зове́м ти́:// ра́дуйся, покро́ве рабо́м твои́м.

Перевод: Пресветлой, и досточтимой, и всемогущей, непостижимой и страшной Троицы ты, Архистратиг славный, служитель и молитвенник. Ныне непрестанно моли об избавлении нас от всяких бед и мук, дабы нам взывать тебе: «Радуйся, покров рабам твоим!»

Ин кондак, глас 2

Архистрати́же Бо́жий, служи́телю Боже́ственныя сла́вы,/ А́нгелов нача́льниче, и челове́ков наста́вниче,/ поле́зное нам проси́, и ве́лию ми́лость,// я́ко Безпло́тных Архистрати́г.

Перевод: Архистратиг Божий, служитель Божественной славы, Ангелов начальник и людей наставник, полезное нам испроси и великую милость, как Архистратиг Бесплотных.

Ин кондак, глас 2

На Небесе́х зря Бо́жию сла́ву/ и на земли́ с высоты́ подая́ благода́ть,/ нача́льниче А́нгелов, му́дре Гаврии́ле, Бо́жия сла́вы служи́телю/ и ми́ра Боже́ственный побо́рниче,/ спаса́й, соблюда́й вопию́щия ти:// сам бу́ди помо́щник, и никто́же на ны.

Перевод: На Небесах созерцая славу Божию и на землю с Небес подавая благодать, начальник Ангелов, мудрый Гавриил, Божией славы служитель и мира Божественный защитник, спасай и оберегай взывающих к тебе: «Сам будь нашим помощником, и никто против нас».

Величание Небесным Чинам Бесплотным

Велича́ем вас,/ Арха́нгели и А́нгели/ и вся во́инства,/ Херуви́ми и Серафи́ми,// сла́вящия Го́спода.

Молитва первая

O, святы́й Арха́нгеле Бо́жий Гаврии́ле, при́сно предстоя́й Престо́лу Всевы́шняго, прера́достный благове́стниче и усе́рдный споспе́шниче на́шего спасе́ния! С сво́йственным тебе́ милосе́рдием приими́ сие́ хвале́бное пе́ние, oт нас недосто́йных тебе́ приноси́мое. Испра́ви моли́твы на́ша, и принеси́ я́, я́ко фимиа́м, на Небе́сный Oлта́рь кади́льный; oзари́ умы́ на́ша све́том позна́ния та́ин спаси́тельныя ве́ры на́шея; воспламени́ сердца́ на́ша любо́вию ко Христу́ Спаси́телю на́шему, обрати́ и укрепи́ жела́ния на́ша на спаси́тельный путь Ева́нгельских Его́ за́поведей; да в сем ве́це ти́хо и благоче́стно поживе́м во сла́ву Бо́жию, в бу́дущем же не лиши́мся ве́чнаго Ца́рствия Бо́жия, е́же получи́ти да сподо́бимся благода́тию Христа́ Бо́га на́шего, хода́тайством Пречи́стыя Его́ Ма́тере, Пренепоро́чныя Де́вы Мари́и и твои́ми многомо́щными ко Го́споду Бо́гу o нас моли́твами, и да просла́вим с тобо́ю и про́чими безпло́тными си́лами небе́сными и все́ми святы́ми Еди́наго во Тро́ице сла́вимаго Бо́га, Отца́ и Сы́на и Свята́го Ду́ха во ве́ки веко́в. Ами́нь.

Молитва вторая

О, святы́й Арха́нгеле Гаврии́ле! Всеусе́рдно мо́лим тя, наста́ви нас, раб Бо́жиих (имена), к покая́нию от злы́х дел и ко утвержде́нию в ве́ре на́шей, укрепи́ и огради́ ду́ши на́ша от искуше́ний прельсти́тельных и умоли́ Созда́теля на́шего о отпуще́нии грехо́в на́ших.

О, святы́й вели́кий Гаврии́ле Арха́нгелe! He пре́зри нас, гре́шных, моля́щихся тебе́ о по́мощи и заступле́нии твое́м, в ве́це сем и в бу́дущем, но при́сно помо́щник нам яви́ся, да непреста́нно сла́вим Отца́ и Сы́на и Свята́го Ду́ха держа́ву и твое́ предста́тельство во ве́ки веко́в. Ами́нь.

Молитва третья

Святы́й вели́кий Арха́нгеле Гаврии́ле! Бо́жию Престо́лу предстоя́й и озаре́нием oт Боже́ственнаго све́та oсия́нный, веде́нием же непостижи́мых та́ин o преве́чней прему́дрости Его́ просвеще́нный! Всеусе́рдно молю́ тя, наста́ви мя к покая́нию oт злых дел и ко утвержде́нию в ве́ре мое́й, укрепи́ и огради́ ду́шу мою́ oт искуше́ний прельсти́тельных, и умоли́ Созда́теля на́шего o отпуще́нии грехо́в мои́х.

O, святы́й вели́кий Гаврии́ле Арха́нгеле! Не пре́зри мене́ гре́шнаго, моля́щагося тебе́ o по́мощи и заступле́нии твое́м в ве́це сем и в бу́дущем, но при́сно помо́щник мне яви́ся, да непреста́нно сла́влю Отца́ и Сы́на и Свята́го Ду́ха держа́ву и твое́ предста́тельство во ве́ки веко́в. Ами́нь.

Ссылка на основную публикацию
Статьи c упоминанием слов:
Adblock
detector